Smoothie með mangó og kókosmjólk

Home / Boozt & drykkir / Smoothie með mangó og kókosmjólk

Mér þykir fátt betra en að byrja daginn á góðum smoothie drykk. Það er einfaldur morgunverður, léttur í maga og eitthvað svo þægilegt við það að drekka ávexti og grænmeti. Í þessari uppskrift höfum við þrjú af mínum uppáhalds hráefnum en það eru mangó, kókosmjólk og mynta. Drykkurinn minnir óneitanlega á Mangó Lassa sem er indverskur jógúrtdrykkur sem er dásamlega svalandi og frábær með sterkum mat þar sem jógúrtin dempar sterka bragðið. Það var einmitt í Barcelona, þeirri frábæru borg, sem ég fór á fínan indverskan veitingastað þar sem var einmitt boðið upp á jógúrtdrykk með matnum og það var skemmtileg upplifun að drekka smoothie með flottum mat. Þessi drykkur fer því með hugann í sól, sumar og yndislegan mat…ahhhh sælla minninga.

2013-08-21 11.21.32-2

Mangó og kókosmjólkur smoothie
2 fersk mangó, afhýdd og skorin í teninga
250 g grísk jógúrt
100 ml kókosmjólk
200 ml mjólk að eigin vali
5 lauf fersk mynta (má sleppa)
klaki

  1. Látið öll hráefnin í blandara og blandið vel saman. Bætið við meiri mjólk ef drykkurinn er of þykkur.

Leave your comment to Cancel Reply

Your email address will not be published.

This site uses Akismet to reduce spam. Learn how your comment data is processed.