Silkimjúk eplakaka með heitri vanillusósuPrenta

 

Við þurfum ekki að hafa mörg orð um þessa dásemd. Silkimjúk eplakaka nýkomin úr ofninum og borin fram með heitri vanillusósu….Ójá – þetta gerist ekki mikið betra!

IMG_9811

IMG_9803 IMG_9805 IMG_9811

Eplakaka með heitri vanillusósu
120 g smjör, mjúkt
200 g sykur
2 egg
2 tsk vanilludropar
250 g hveiti
2 tsk matarsódi
1/2 tsk salt
2 tsk kanill
1/2 tsk múskat
5 epli, afhýdd, kjarnhreinsuð og fínrifin og safinn geymdur

Heit vanillusósa
4 msk smjör
125 ml rjómi
100 g sykur
1/2 tsk vanilludropar

  1. Hrærið saman mjúku smjörinu og sykri þar til þetta hefur blandast vel saman. Bætið því næst eggjum og vanilludropum út í og hrærið þar til blandan er orðin létt og ljós.
  2. Setjið hveiti, matarsóda, salt, kanil og múskat saman í skál og hrærið síðan saman við eggjablönduna þar til þetta hefur rétt svo blandast saman (varist að þeyta of lengi). Bætið að lokum fínrifnum eplum saman við, ásamt safanum af þeim og blandið varlega saman við með sleif.
  3. Látið í 23-33 cm smurt form og bakið í 30-35 mínútur við 150°c.
  4. Gerið vanillusósuna með því að setja smjör, rjóma og sykur saman í pott og hræra stöðugt allt þar til sykurinn hefur bráðnað. Leyfið þá að malla við vægan hita í um 10 mínútur og hrærið reglulega í blöndunni. Takið af hellunni og bætið vanilludropunum saman við. Haldið heitu þar til sósan er borin fram.
  5. Gæðið ykkur á þessari ljúffengu eplaköku með ríflegu magni af þessari ljúffengu vanillusósu.

Leave a Reply

Your email address will not be published. Required fields are marked *