Ómótstæðilegar núðlur í hnetusmjörsósuPrenta

Það er alltaf jafn ánægjulegt að elda mat sem er hvort í senn fljótlegur og bragðgóður og það á svo sannarlega við réttinn sem hér birtist.
Það má leika sér með þennan skemmtilega núðlurétt, bæta við kjöti eða grænmeti að eigin vali en í þetta sinn bætti ég við elduðum kjúklingabringum og papriku. Enn eina ferðina setur hnetusmjör punktinn yfir i-ið nú í þessum stórgóða rétti sem ég mæli svo sannarlega með að þið prufið.
IMG_1464-2
Dásamlega bragðgóður núðluréttur með hnetusmjörsósu
Núðlur í hnetusmjörsósu
120 ml kjúklingasoð
8 g engiferrót, rifin
45 ml soyasósa, t.d. frá Blue Dragon
50 g hnetusmjör
20 ml hunang
10 g chilípaste, t.d. frá Blue Dragon
3 hvítlauksrif, pressuð
250 g eggjanúðlur, t.d. frá Blue Dragon
1 búnt vorlaukur, saxaður
30 g salthnetur, saxaðar
  1. Sjóðið núðlurnar samkvæmt leiðbeiningum.
  2. Setjið kjúklingasoð, engifer, soyasósu, hnetusmjör, hunang, chilímauk og hvítlauk saman í pott. Hitið þar til hnetusmjörið hefur bráðnað og blandan er orðin heit. Bætið þá núðlunum saman við og blandið vel saman. Stráið vorlauk og salthnetum yfir allt.

Skildu eftir svar

Netfang þitt verður ekki birt. Nauðsynlegir reitir eru merktir *