Tælensk fiskisúpaPrenta

Þessi dásamlega fiskisúpa er hin besta byrjun á góðu ári. Hún er ofureinföld í gerð og svo fersk og bragðgóð að ég veit að hún mun slá í gegn hjá ykkur eins og hún gerði hjá mér og minni fjölskyldu. Hún er létt í maga og meinholl sem skemmir að sjálfsögðu ekki fyrir ef þið hafið verið í svipuðum gír og ég um jólin. Njótið vel kæru vinir.

 

IMG_6314

Ofureinföld tælensk fiskisúpa
1 bolli hrísgrjón
2 msk smjör
500 g risarækjur
salt og pipar
2 hvítlauksrif, pressuð
1 laukur, smátt skorinn
1 rauð paprika, rauð, smátt skorin
1 msk rifið engifer
2 msk rautt karrý, Red curry paste frá Blue dragon
2 dósir kókosmjólk, t.d. Coconut milk frá Blue dragon
960 ml nautasoð (eða vatn og 3-4 nautakraftar í teningum)
Safi af 1 límónu
Kóríander til skreytingar (má sleppa)

  1. Sjóðið hrísgrjónin í 1 ½ bolla af vatni. Takið til hliðar og geymið.
  2. Bræðið smjörið í potti við meðalhita og bætið risarækjunum út á pönnuna. Steikið þar til þær eru orðnar bleikar að lit eða í 2-3 mínútur og hrærið reglulega í þeim. Saltið og piprið að eigin smekk. Takið þær úr pottinum og geymið.
  3. Setjið hvítlauk, engifer, lauk og papriku í pottinn og steikið í 3-4 mínútur eða þar til grænmetið er farið að mýkjast. Bætið rauðu karrý saman við og hrærið í 1 mínútu.
  4. Bætið því næst nautasoði og kókosmjólk saman við og hrærið stöðugt í súpunni í 1-2 mínútur svo þetta blandist allt vel saman. Hitið að suðu, lækkið þá hitann og látið malla í um 10 mínútur.
  5. Bætið að lokum risarækjum, hrísgrjónum, límónusafa og kóríander saman við. Berið strax fram.

Leave a Reply

Your email address will not be published. Required fields are marked *