Tortillur með kínóa, sætum kartöflum og kóríanderdressinguPrenta

Þessar tortillur með kínóa, sætkartöflum og kóríanderdressingu eru svo dásamlega nærandi, litríkar og bragðgóðar og slá auðveldlega í gegn. Frábær sem kvöldmatur, í saumaklúbbinn, nesti í vinnuna og svona mætti lengi telja. Ofureinfaldar í gerð en ó svo góðar!!!

IMG_1500

“Dinner prepp”

IMG_1534

Gúmmelaði raðað á tortilluna

IMG_1551

Toppað með dásamlegri kóríandersósu

IMG_1556

Ekki eftir neinu að bíða….let’s dig in!

Tortilla með kínóa, sætum kartöflum og kóríanderdressingu
90 g kínóa
240 ml vatn
sjávarsalt
2 msk kókosolía
1 stór sæt kartafla, afhýdd og skorin í litla bita
1 laukur, skorin í þunnar sneiðar
½ tsk cumin (ath ekki kúmen)
1 tsk chili duft
¼ tsk hvítlauksduft (garlic powder)
1 poki spínat eða klettasalat, t.d. frá Hollt og gott
Tortillur

Kóríanderdressing
1 búnt kóríander
1 dós sýrður rjómi
2 msk safi úr ferskri límónu
1 hvítlauksrif

  1. Setjið kartöflurnar í ofnfast mót ásamt 1 msk af kókosolíu og blandið vel saman. Eldið í ofni í um 15-20 mín eða þar til þær eru eldaðar í gegn en ekki og maukaðar. Takið síðan úr ofninum.
  2. Eldið kínóað á meðan með því að setja vatn, kínóa og klípu af sjávarsalti saman í pott og hitið að suðu. Setjið lok á pottinn og slökkvið á hellinni og leyfið að standa í um 10 mínútur án þess að taka lokið af. Þá ætti allt vatnið að vera farið og kínóað létt og gott.
  3. Steikið lauk á pönnu upp úr 1 msk af kókosolíu. Bætið sætu kartöflunum saman við og kryddið með cumin, chilídufti, hvítlauksdufti og blandið vel saman.
  4. Gerið að lokum sósuna með því að setja öll hráefnin saman í matvinnsluvél og stilla á „pulse“ þar til allt hefur blandast vel saman.
  5. Hitið tortillurnar. Setjið síðan væna lúku af spínati á tortilluna, síðan sætar kartöflur, nokkrar matskeiðar af kínóa yfir það og toppið með kóríanderdressingu.

Leave a Reply

Your email address will not be published. Required fields are marked *