Þessar tortillur með kínóa, sætkartöflum og kóríanderdressingu eru svo dásamlega nærandi, litríkar og bragðgóðar og slá auðveldlega í gegn. Frábær sem kvöldmatur, í saumaklúbbinn, nesti í vinnuna og svona mætti lengi telja. Ofureinfaldar í gerð en ó svo góðar!!!
“Dinner prepp”
Gúmmelaði raðað á tortilluna
Toppað með dásamlegri kóríandersósu
Ekki eftir neinu að bíða….let’s dig in!
Tortilla með kínóa, sætum kartöflum og kóríanderdressingu
90 g kínóa
240 ml vatn
sjávarsalt
2 msk kókosolía
1 stór sæt kartafla, afhýdd og skorin í litla bita
1 laukur, skorin í þunnar sneiðar
½ tsk cumin (ath ekki kúmen)
1 tsk chili duft
¼ tsk hvítlauksduft (garlic powder)
1 poki spínat eða klettasalat, t.d. frá Hollt og gott
Tortillur
Kóríanderdressing
1 búnt kóríander
1 dós sýrður rjómi
2 msk safi úr ferskri límónu
1 hvítlauksrif
- Setjið kartöflurnar í ofnfast mót ásamt 1 msk af kókosolíu og blandið vel saman. Eldið í ofni í um 15-20 mín eða þar til þær eru eldaðar í gegn en ekki og maukaðar. Takið síðan úr ofninum.
- Eldið kínóað á meðan með því að setja vatn, kínóa og klípu af sjávarsalti saman í pott og hitið að suðu. Setjið lok á pottinn og slökkvið á hellinni og leyfið að standa í um 10 mínútur án þess að taka lokið af. Þá ætti allt vatnið að vera farið og kínóað létt og gott.
- Steikið lauk á pönnu upp úr 1 msk af kókosolíu. Bætið sætu kartöflunum saman við og kryddið með cumin, chilídufti, hvítlauksdufti og blandið vel saman.
- Gerið að lokum sósuna með því að setja öll hráefnin saman í matvinnsluvél og stilla á „pulse“ þar til allt hefur blandast vel saman.
- Hitið tortillurnar. Setjið síðan væna lúku af spínati á tortilluna, síðan sætar kartöflur, nokkrar matskeiðar af kínóa yfir það og toppið með kóríanderdressingu.
Leave your comment to Cancel Reply