OMG pastaPrenta

Það er oftar en ekki sem ég heyri fólk tala um að oft eftir annasaman vinnudag sé það statt í búðinni og hafi ekki hugmynd um hvað það eigi að hafa í kvöldmatinn. Þá er ekki úr vegi að geta leitað í uppskriftir sem eru ofureinfaldar í gerð og með fáum hráefnum.

Þessi pastauppskrift er einmitt í miklu uppáhaldi á þannig dögum. Oft hef ég salat og baquette brauð með og þá er kominn ekta ítalskur veislumatur. Ég tala nú ekki um ef við bætum við glasi af hvítvíni. Uppistaðan í þessum rétti er pasta og heimagert pestó úr sólþurrkuðum tómötum, basilíku og hvítlauk en þetta er að mínu mati allt hráefni guðanna.

Image result for jamie oliver food products

Matvöruverslunin Krónan er í apríl með 20% afslátt af vörum Jamie Olivers í öllum verslunum sínum sem þið lesendur góðir getið nýtt ykkur. Í samstarfi við þá mun ég koma með nokkra ofureinfalda rétti eldaða úr hráefnum frá meistara Jamie. Njótið vel!

 

OMG pasta
350 g Jamie Oliver tagliatelle
1 krukka (280 g) Jamie Oliver sólþurrkair tómatar með ólífuolíu
2 hvítlauksrif
1 búnt fersk basilíka
salt og pipar
50 g parmesan ostur, rifinn

  1. Sjóðið pastað samkvæmt leiðbeiningum á pakkningu.
  2. Setjið sólþurrkaða tómata ásamt olíunni, hvítlauk, basilíku, salti og pipar í matvinnsluvél og maukið vel saman. Hellið blöndunni í skál og setjið parmesan saman við og að lokum pasta. Berið fram með salti og pipar.

Leave a Reply

Your email address will not be published. Required fields are marked *