Grillaður miðjarðarhafskjúklingur með grískri dill jógúrtsósu

Home / Fljótlegt / Grillaður miðjarðarhafskjúklingur með grískri dill jógúrtsósu

Nú þegar sumar er að mæta til okkar er ekki seinna vænna en að koma með uppskriftir að dásamlegum grillréttum sem vekja lukku. Þessi uppskrift er einmitt þannig,  frábær og fersk. Kjúklingurinn sem við marinerum kemur dásamlega mjúkur og safaríkur af grillinu og gríska jógúrtsósan setur hér punktinn yfir i-ið.

Frábær og ferskur miðjarðarhafskjúklingur með grískri jógúrtsósu

Grillaður Miðjarðarhafskjúklingur með grískri dill jógúrtsósu

Styrkt færsla
Fyrir 3-4
900 g kjúklingalæri, t.d. frá Rose Poultry
10 hvítlauksrif, pressuð
1/2 tsk paprikukrydd
1/2 tsk allrahanda krydd (allspice)
1/2 tsk múskat
1/4 tsk kardimommukrydd
salt og pipar
5 msk ólífuolía, t.d. Filippo Berio extra virgin oil
1 rauðlaukur, skorinn í sneiðar
safi af 1-2 sítrónum


Grísk dill jógúrtsósa
1 hvítlauksrif, pressað
1 búnt ferskt dill, stilkarnir fjarlægðir og dillið saxað
350 g grísk jógúrt
1 msk ólífuolía
safi úr 1/2 sítrónu
hnífsoddur cayenne pipar
salt

  1. Gerið jógúrtsósuna með því að blanda saman hvítlauk, dilli, grískri jógúrt, ólífuolíu, sítrónusafa og cayenne pipar saman í matvinnsluvél. Blandið vel saman þar til þykk sósa hefur myndast. Bætið salt saman við ef þörf er á því. Geymið í kæli í amk eina klukkustund.
  2. Blandið því næst pressuðum hvítlauk, kryddum og 3 msk af ólífuolíu. Þerrið kjúklingalærin kryddblöndunni vel á þau. Setjið í ofnfast mót ásamt rauðlauk og sítrónusafa og 2 msk af ólífuolíu. Marinerið í 1 klukkustund eða lengur ef tími leyfir.
  3. Grillið kjúklingalærin á grillið og grillið þau á hvorri hlið í um 5-6 mínútur.
  4. Berið fram með jógúrtsósunni og salati með grísku salati með tómötum, ólífum og fetaosti.

Leave a Reply

Your email address will not be published.

This site uses Akismet to reduce spam. Learn how your comment data is processed.