Thai kjúklingaréttur með kasjúhnetum í sætri tómatsósuPrenta

Ást mín á tælenskum mat nær engum enda og hér er enn ein dásemdar uppskriftin fyrir ykkur að elska. Þessi réttur er ofureinfaldur í gerð og svo góður að hér sleikja heimamenn (ég er engin undantekning) diskinn þegar þessi er borinn fram og biðja um meira. Hér sannast að einfalt er svo langbest – njótið vel!

 

Svo dásamlega góður og einfaldur thai kjúlli

 

 

Thai Kjúklingur í sætri tómatsósu með kasjúhnetum
fyrir 4
Styrkt færsla
4 kjúklingabringur, skornar í strimla t.d. frá Rose Poultry
1 dl hveiti, sett á disk
1-2 laukar, skornir í teninga
1 paprika, skorin í teninga
200 g kasjúhnetur
3 vorlaukar, skornir gróflega
1 rautt chilí, skorið í sneiðar

Sósa
2 dl ostrusósa, t.d. Oyster sauce frá Blue dragon
2 dl soyasósa, t.d. Dark soy sauce frá Blue dragon
2 dl tómatsósa
1 dl hrásykur
2 hvítlauksrif, söxuð

  1. Blandið öllum hráefnum fyrir sósuna saman og smakkið til.
  2. Veltið kjúklingabitum upp úr hveiti.
  3. Setjið olíu á pönnu og hitið vel. Steikið kjúklingabitana þar til þeir eru gylltir að lit.
  4. Bætið lauk, papriku, hnetum, chilí og vorlauk saman við og steikið.
  5. Bætið sósunni út á pönnuna (magn að eigin smekk) og blandið vel saman. Athugið að magnið er frekar mikið svo ekki víst að þið notið alla sósuna – en mér þykir voða gott að hafa mikið af sósu í þessum rétti.
  6. Takið fljótlega af hitanum og berið fram með hrísgrjónum.

 

 

 

Leave a Reply

Your email address will not be published. Required fields are marked *