Stökkar avacadorúllur með jalapeno og kóríandersósu að hætti Cheesecake FactoryPrenta

Á þeim árum þegar ég vann í fluginu var fátt dásamlegra en að fara til Boston, versla smá og fá sér svo dásamlega góða rétti sem þar fást. Einn af þessum réttum eru vorrúllur fylltar með avacadó sem eru ólýsanlega góðar. Þessi uppskrift kemst ansi nálægt þeirri dásemd og ég veit að margir gleðjast ef þeir fá að bragða á þessum!

 

Avacadorúllur með jalapenó-kóríandersósu
240 ml grænmetisolía
3 avacadó
1 plómutómatar, saxaður
1/4 rauðlaukur, saxaður smátt
2 msk ferskt kóríander, saxað
safi úr 1 lime
sjávarsalt og pipar
vorrúlludeig, fæst í thai búðum eða filódeig

Jalapeno og kóríanderídýfa
1 búnt ferskt kóríander
1 dós 18% sýrður rjómi, t.d. frá Mjólku
2 msk majones
1 jalapeno, fræhreinsað og saxað
1 hvítlauksrif
safi úr 1 lime
sjávarsalt og pipar

  1. Gerið ídýfuna með því að blanda kóríander, sýrðum rjóma, jalapenó, majonesi, hvítlauk og límónusafa í matvinnsluvél. Smakkið til með salti og pipar.
  2. Maukið avacado með gaffli og bætið tómötum, rauðlauk, kóríander, límónusafa, salti og pipar saman í skál og blandið vel saman.
  3. Setjið um 1 msk af avacadomaukinu í miðju deigsins. Penslið endana á deiginu svo það sé auðveldara að loka því. Lokið rúllunni að ofan og neðan og rúllið henni svo upp.
  4. Hitið olíuna í potti og steikið rúllurnar í 2-3 mínútur eða þar til þær eru orðnar gylltar að lit. Takið úr olíunni og setjið á eldhúspappír. Berið fram strax með jalapeno-kóríandersósunni.

Skildu eftir svar

Netfang þitt verður ekki birt. Nauðsynlegir reitir eru merktir *