Espresso Martini eins og hann gerist besturPrenta

Kokteillinn Espresso Martini hefur lengi verið virkilega vinsæll hjá mér og mínum vinum enda einfaldur og út úr þessum heimi bragðgóður. Það er ekki flókið að gera þennan drykk en gott að vita að það sem gerir hann afburða góðan er meðal annars Kaluha, sem kemur með sæta karamellukennda bragðið sem við elskum svo mikið. Svo til þess að ná drykknum svona eins og við fáum á veitingahúsum er mikilvægt að nota góða espresso vél. Hann er að mínu mati fullkomnaður með ískaffinu frá Nespresso sem ætlað er í kalda drykki. Njótið vel!

 

 

Espresso martini
2 glös
lúkufylli af klaka
50 ml vodki
70 ml líkjör, t.d. Kaluha
70 ml ískaffi frá Nespresso

  1. Kælið glösin í frysti í að minnsta kosti 20 mínútur áður en drykkurinn er borinn fram.
  2. Setjið klaka í hristarann ásamt vodka, líkjör og ískaffi.
  3. Smakkið til og bætið við líkjör ef þið viljið hafa hann sætari.
  4. Hristið af miklum krafti í 30 sekúndur.
  5. Skiptið niður á tvö glös – drekkið og njótið.

 

Skildu eftir svar

Netfang þitt verður ekki birt. Nauðsynlegir reitir eru merktir *