Marengs eplakaka með karmelluðum eplumPrenta

Hvað get ég sagt um þessa, annað en að hún er allra besta eplakaka sem ég hef bragðað. Börnin voru hinsvegar ekki eins hrifin og ekki veit ég af hverju. Kannski hefði íssletta gert hana minna fullorðins. Þetta er að mínu mati hin fullkomna eplakaka og hentar fyrir saumaklúbbinn, í afmælið, sem eftirréttur og jafnvel í morgunmat (tried and tested).

 

Marengs eplakaka með karamelluðum eplum
Botn
150 g smjör
3 1/2 dl hveiti
1 msk vatn

Fylling
4 stór epli , skorin í bita
1 1/2 dl sykur
2 tsk kanill
1 dl rúsínur (má sleppa)

Marengs
3 eggjahvítur
1 1/2 dl sykur

  1. Gerið botninn. Allt hnoðað saman, þrýst í eldfast mót (upp með hliðunum líka). Stingið botninn með gaffli og í 200°c heitum ofni í 10 mínútur.
  2. Sjóðið eplin með sykri, kanil og rúsínum þar til þau verða meyr (8-10 mín). Setjið eplin yfir bakaðan deigbotninn.
  3. Stífþeytir hvíturnar og blandið sykrinum smám saman út í. Þeytið mjög vel. Þekið eplin með marengsinum og bakið við 150°c  í 25 mín.

Skildu eftir svar

Netfang þitt verður ekki birt. Nauðsynlegir reitir eru merktir *