Nei sko ef þetta er ekki það allra besta sem ég hef fengið í langan tíma þá veit ég ekki hvað. Þetta er svo dásamlega mikið gúrm að það hálfa væri nóg. Svei mér þá ég held þetta sé meinhollt líka..eða svona “ish”.
Hér er á ferðinni ofnbakaðar sætar kartöflur með kjúklingi í buffalósósu. Rétturinn rífur aðeins í en er ekkert yfirgengilega sterkur – en það fer þó eftir því hversu vel fólk þolir sterkan mat. Ég myndi bara blanda sósunni varlega saman við kjúklinginn og smakka hann til. “Franks Hot” sósuna keypti ég í Costco og mögulega fæst hún í fleiri verslunum núna. Sósan er virkilega bragðgóð og það væri gaman að heyra af því hvar annarsstaðar sé hægt að kaupa hana. Hvítlaukssósan sem ég notaði yfir kjúklinginn er frá E. FINNSSON er geggjuð með þessum sætkartöflurétti og gefur gott mótvægi við sterku sósuna.
Uppskriftina sjálfa sá ég á vefnum notenoughcinnamon og þar sem ég er mikill aðdáandi sætu kartöflunnar að þá stóðst ég ekki mátið. Mæli svo innilega með að þið prufið þessa uppskrift..nei sko nei sko nei sko…NAMM!
Leave a Reply