Nýlega rifjaði ég upp kynni mín af Nutella….eitthvað sem ég hefði betur látið ógert því nú dreymir mig um þetta daglega. Nutella og bananabrauð smellpassar saman og þessi uppskrift er hreint út sagt dásamleg. Engu verra er svo að bera það svo fram með Nutella (já þið lásuð rétt)..ommnomm!
Bananabrauð með Nutellakremi
240 g hveiti
30 g kókosmjöl
150 g sykur
1 tsk matarsódi
1/2 tsk salt
3 bananar, vel þroskaðir
60 ml jógúrt
2 egg, lítillega þeytt
6 msk smjör, brætt og kælt
1 tsk vanilludropar
60 g nutella
Aðferð
- Hitið ofninn á 170°c. Smyrjið 2 lítil brauðform og stráið smá hveiti yfir þau.
- Blandið saman í skál hveiti, sykri, kókos, matarsóda og salti. Geymið.
- Blandið saman í aðra skál stöppuðum bönunum, jógúrti, eggjum, smjöri og vanilludropum. Bætið því svo saman við hveitiblönduna og hrærið varlega í um 10 skipti. Deigið á að vera þykkt og kekkjótt.
- Hitið Nutella í skál í örbylgjuofni í um 15 sek. Takið úr ofninum og hrærið aðeins í því. Látið síðan aftur inn í örbylgjuofninn í aðrar 15 sekúndur. Geymið.
- Hellið helmingi af deiginu í bökunarformin. Blandið því næst Nutella í deigið með því að láta það á hnífsodd og dreifa um deigið. Setjið afganginn af deiginu í formin og endurtakið með Nutella.
- Bakið í 25-30 mínútur. Stingið tannstöngli í brauðið til að athuga hvort það sé ekki örugglega tilbúið.
…njótið!
Leave a Reply