Þessa uppskrift rakst ég á þegar ég var að leita að uppskrift sem hentaði öllum aldurshópum en væri um leið extra barnvæn. Kornflexkjúklingurinn er mildur á bragðið og stökkur. Hann er ótrúlega einfaldur, inniheldur aðeins 5 hráefni og bragðið kemur svo sannarlega skemmtilega á óvart. Í stað kjúklings er svo tilvalið að nota fisk eins og t.d. ýsu. Ég er ekkert að ýkja þegar að ég segi að þessi slær í gegn hjá öllum!
Framúrskarandi góð og einföld kvöldmáltíð
Kjúklingurinn húðaður í sýrðum rjóma
Kornflex mulið og kryddað með ítölsku kryddi
Kjúklingur húðaður í kornflexblöndunni
Sett í ofnfast mót
Borðað og notið!
Kornflexkjúklingur
4 kjúklingabringur
1 dós sýrður rjómi
2 bollar mulið kornflex
1 msk ítalskt krydd (ég notaði ítalskt pastakrydd frá pottagöldrum)
1 msk brætt smjör
Aðferð
- Hitið ofninn á 175°c.
- Látið bringurnar og sýrða rjómann í poka og blandið vel saman.
- Látið mulið kornflexið og kryddið á disk og blandið vel saman.
- Dýfið kjúklinginum húðuðum sýrða rjómanum í kornflexið og látið það hylja allan kjúklinginn.
- Látið kjúklinginn ofnfast mót sem hefur verið penslað lítillega með olíu.
- Hellið smjörinu yfir kjúklingabringurnar.
- Látið í ofninn og eldið í um 1 klukkustund.
Leave a Reply