Grillaður þorskur, toppaður með fetaosts pestói

Við Matarmenn erum mikið fyrir fiskrétti en þessi fer klárlega á lista yfir top 3 bestu. Ferskur fiskur með ferskum hráefum er blanda sem getur einfaldlega ekki klikkað. Þið verðið svo sannarlega ekki fyrir vonbrigðum með þessa uppskrift að vopni. Við mælum með því að versla fiskinn eins ferskan og hugsast getur, það einfaldlega tekur diskinn á hærra plan. Njótið í botn og það er alltaf gaman þegar þið gerið @Matarmenn svo við getum fylgst með ykkur elda uppskriftirnar okkar :)

Hugmyndir að meðlæti

Rótargrænmeti í ofni
Grillað smjörgrasker
Sætar kartöflur
Grillaður aspas

Hægt er að fylgjast með matarmönnum á Instagram undir @Matarmenn

	Þorskur (Best að miðast við hnakka) 1,2 kg
	Kryddhúsið (Hafið bláa) 2 Msk.
	Kryddhúsið (Asískt fiskikrydd) 2 Msk.
	Kryddhúsið (Sítrónupipar) 1 Msk.
	Ólífu olía 1 Bolli
	Hvítlaukur
	Fetaostur 1 stór krukka
	Fersk Steinselja 20 gr.
	Brauðrasp 3/4 Bolli
	Grænar ólífur 10 stk
	Sítróna
	Salt og pipar eftir smekk

1.	Leggið fiskinn í bakka
2.	Blandið saman ,,Kryddhús'' kryddunum ásamt olíu og hvítlauk í skál og hrærið
3.	Leyfið kryddblöndunni að standa í ca 30 mínútur
4.	Í blandara setjið þið Fetaost, Steinselju, Brauðrasp, Ólífur og 3 hvítlauksgeira
5.	Pestó blönduna geymið þið til hliðar
6.	Nú takið þið kryddblönduna og penslið yfir fiskinn og leyfið honum að marenerast í 20+ mínútur
7.	Kveikið á grillinu og leyfið því að hitna upp í 250°C
8.	Leggið því næst fiskinn á grillplanka eða álbakka (Roðið niður)
9.	Sítrónan er sett undir roðið og pestóinu dreift yfir fiskbitana
10.	Eldist í ca 10 mínútur (Allt í lagi að fara með varlega með gaffli og sjá hvort miðjan sé elduð)

Grillaður þorskur, toppaður með fetaosts pestói

Áætlað fyrir 4 fullorðna

Undirbúningur

Eldun

Tilbúið

Erfiðleiki

Innihaldslýsing

Leiðbeiningar

Leave a Reply Cancel Reply