Kjúklingabaunir eru án kólesteróls en auðugar af próteini,kolvetnum og steinefnum og því tilvaldar sem heilsusamlegt og gott nasl. Þetta nasl er hinvegar hrikalega ávanabindnandi! Ristaðar stökkar og bragðgóðar kjúklingabaunir, kryddaðar eftir smekk hvers og eins. Það tekur stutta stund að skella í svona, en ég mæli með að þið tvöfaldið uppskriftina þar sem þetta hverfur hratt…hrrraaaaattttt!
Ristaðar kjúklingabaunir
1 krukka kjúklingabaunir, niðursoðnar
1 msk ólífuolía
1 tsk salt
Til bragðbætingar
Veljið um eitthvað af eftirtöldu:
- Maple sýróp, hunang eða agave sýróp
- Rifinn parmesan
- Kanill, chillí, chayenne, karrý, hvítlaukskrydd, cumin.
Aðferð
- Hitið ofninn á 200°c.
- Blandið saman í skál kjúklingabaunum og ólífuolíu. Hellið á bökunarplötu með smjörpappír. Stráið salti yfir og því sem þið völduð til bragðbætingar.
- Ristið í um 30 mínútur eða þar til baunirnar eru byrjaðar að brúnast. Hrærið reglulega í þeim og passið að þær brenni ekki.
Leave a Reply