Mexíkósur matur er alltaf vinsæll og þessi útfærsla á tortillum er sérstaklega skemmtilegt, einföld og vekur ávallt mikla lukku hjá börnunum.
Taco skálar
8 tortillur
500 g nautahakk
1 dós salsasósa meðalsterk eða sterk
rifinn ostur
iceberg kál, smátt skorið
tómatar, smátt skornir
guagamole
sýrður rjómi
ólífur
Aðferð
- Hitið ofninn á 175°c.
- Mýkið tortillurnar með því að láta þær í örbylgjuofn í um 20-30 sek (má sleppa ef þið eigið ekki örbylgjuofn en þá þarf að gera þetta varlega til að þær rifni ekki).
- Þrýstið tortillunum í stór muffinsform og látið þær síðan inn í ofn í 10 mínútur.
- Steikið því næst kjötið á pönnu. Hellið salsasósu út í og hitið að suðu. Lækkið hitann og látið malla í 10 mínútur.
- Látið kjötið í tortillurnar og því næst yfir það grænmeti, ost og sósur. Njótið!
Fyrir þá sem vilja er hægt að láta ostasósu í botninn á tortillunum og nautahakkið yfir það. Einnig er hægt að láta ost yfir nautahakkið og láta inn í ofn í smá stund þannig að hann bráðni.
Leave a Reply