Frábær fiskréttur í rjómasósu með grænmeti og fetaosti

Home / Fiskur / Frábær fiskréttur í rjómasósu með grænmeti og fetaosti

Jæja er þá ekki kominn tími á góðan fiskrétt sem er hollur en samt smá “gúrm”? ‘Þennan rétt er einfalt að gera og í raun hægt að nota það grænmeti sem til er í ískápnum hverju sinni og nýta þannig það sem þið eigið nú þegar. Verið óhrædd við það. Fiskréttinn er hægt gera bæði í rjómasósu eða nota í staðinn kókosrjóma, bæði er mjög gott. Borin fram með góðu salati og hrígrjónum er þessi réttur að mínu mati frábær og vekur vonandi lukku hjá ykkur líka.

IMG_1450

 

Fiskréttur í rjómasósu með grænmeti og fetaosti
800 g þorskur/eða ýsa
2 stórir laukar
2 hvítlauksrif
2 rauðar paprikur
250 g sveppir
300 g spínat, ferskt
3 dl rjómi eða kókosmjólk (t.d. frá Blue dragon)
200 g fetaostur
6 kirsuberjatómatar
olía til steikingar
safi af einni límónu
2 tsk fiskisósa (t.d. Fish sauce frá Blue dragon)
Smakkið til með:
chilíkryddi
salti og pipar
timían og oreganó

  1. Saxið lauk, hvítlauk og paprikuna. Steikið lauk og hvítlauk á pönnu og bætið síðan paprikunni saman við.
  2. Steikið sveppina á annarri pönnu upp úr smjöri þar til þeir eru orðnir gylltir að lit.
  3. Hellið laukblöndunni og spínati saman við. Það mun líklegast fylla pönnunna en minnkar fljótlega.
  4. Bætið síðan rjóma (kókosmjólk), límónusafanum saman við og smakkið til með kryddum.
  5. Skerið þorskinn í bita og steikið upp úr smjöri í örstutta stund við háan hita. Kryddið með pipar.
  6. Hellið grænmetisblöndunni í eldfast mót og raðið þorskflökunum yfir það.
  7. Dreifið fetaostinum yfir allt og einnig kirsuberjatómötum. Kryddið með timian. Kreystið það sem eftir var af límónunni yfir fiskinn.
  8. Bakið við 200°c heitan ofn í um 20 mínútur.

Leave a Reply

Your email address will not be published.

This site uses Akismet to reduce spam. Learn how your comment data is processed.