Þessar brauðbollur hef ég bakað í nokkur ár og haft gaman af, sérstaklega þar sem þær eru svo dásamlega einfaldar í gerð og þrusuhollar. Það er gaman að bjóða upp á þær með góðum mat eins og súpum nú eða borða þær bara í kaffinu.
Ólífubollur með pestó og parmesan
5 dl spelthveiti
2 tsk vínsteinslyftiduft
1 dl fræblanda
1 dl hirsi
1 tsk salt
10 ólífur, skornar í sneiðar
2 msk pestó (grænt eða rautt eftir smekk)
1 msk parmesan ostur, rifinn
2 tsk agavesíróp
1 dl mjólk
1 dl sjóðandi heitt vatn
- Blandið spelthveiti, lyftidufti, fræjum, hirsi og salti saman í skál og blandið vel saman.
- Látið síðan ólífur, pestó, parmesan, agave sýróp, mjólk og sjóðandi vatn út í og blandið saman.
- Mótið litlar bollur og látið í 200°c heitan ofn í um 20-25 mínútur.
Leave a Reply