Fljótlegt og frábært lasagna sem sparar uppvaskið svo um munar og bragðast dásamlega. Þetta er rétturinn sem smellpassar inn í líf okkar flestra á virkum dögum þegar tími til eldamennsku er af skornum skammti, en þegar okkur langar samt í eitthvað gott. Hér fara öll hráefnin á pönnuna og látið malla þar til heimilið ilmar eins og þið séuð komin til Ítalíu. Verði ykkur að góðu!
„Allt í einni pönnu“ lasagna
Fyrir 4-6 manns
2 dósir af heilum tómötum
1 msk ólífuolía
1 laukur, saxaður
½ tsk salt
pipar
4 hvítlauksrif, pressuð
chilíflögur, t.d. chilí explosion
1 tsk ítalskt krydd, þurrkað (má nota t.d. oregano og timian í staðinn)
500 g nautahakk
lasagnaplötur, brotnar í 2-3 parta (ég notaði ferskar)
50 g parmesan, rifinn
200 g kotasæla
120 g mozzarellaostur, rifinn
Basilíka, fersk (má sleppa)
- Saxið tómatana gróflega eða látið á „pulse“ í matvinnsluvél í örstutta stund. Hitið olíu á pönnu og setjið laukinn, saltið og pipar á pönnunna og veltið þessu saman þar til laukurinn er farinn að mýkjast. Bætið þá hvítlauk, chilíflögum og ítölsku kryddi og hrærið á pönnunni í nokkrar sekúndur.
- Bætið kjötinu út á pönnuna þar til það er farið að brúnast. Leggið lasagnaplötur yfir allt og og hellið tómötunum ásamt safanum yfir plöturnar. Aukið hitann í meðalháan og látið malla þar til pastaplöturnar eru orðnar mjúkar eða í um það bil 20-25 mínútur.
- Takið pönnuna af hitanum og blandið saman helming af mozzarella, parmesan og ¼ af kotasælunni og setjið yfir. Látið afganginn af kotasælunni hér og þar í slettum yfir ostinn og endið á að setja afganginn af ostinum yfir allt.
- Látið pönnuna í ofninn á grill í stutta stund eða þar til osturinn hefur bráðnað og stráið síðan ferskri basilíku yfir. Það er líka hægt að láta þetta malla á pönnunni áfram þar til osturinn hefur bráðnað en það gefur að sjálfsögðu aðra áferð. Berið fram með góðu salati.
Leave a Reply