Betra en allt nammibitar með karamellu og saltkringlum

Þetta er uppskrift að einu rosalegasta nammibitum sem til eru. Þeir innihalda einungis fjögur hráefni og taka nokkrar mínútur í gerð en mæÓmæ hvað þeir eru mikil dásemd. Ég hef gert þá með það í huga eða eiga í frysti þegar góða gesti ber að garði en gestirnir hafa enn ekki náð að fá smakk þar sem þeir klárast um leið. Mitt ráð til ykkar er…gerið amk. tvöfalda uppskrift!

 

Saltkringlur, súkkulaði og karamellur toppað með sjávarsalti

 

BEST – BEST – BEST

 

Nammibitar með karamellu og saltkringlum
350 g suðusúkkulaði
230 g saltkringlur
300 g Dumle karamellur
sjávarsalt

1. Setjið smjörpappír á ofnplötu.
2. Bræðið helminginn af suðusúkkulaðinu. Hellið á smjörpappírinn og dreyfið úr því.
3. Setjið saltkringlurnar strax yfir súkkulaðið og þrýstið lauslega niður. Mér finnst gott að láta vel af þeim.
4. Bræðið karamellurnar ásamt 2 msk af vatni og hrærið vel saman. Hellið síðan yfir saltkringlurnar.
5. Bræðið hinn helminginn af súkkulaðinu og hellið yfir karamellurnar.
6. Stráið sjávarsalti yfir og frystið í nokkrar mínútur eða þar til þetta er farið að harðna.
7. Brjótið eða skerið í bita.