Heimsins bestu vöfflur!

Home / Heimsins bestu vöfflur!

Alþjóðlegi vöffludagurinn verður haldinn hátíðlegur þann 25. mars og að því tilefni er vel við hæfi að birta uppskrift að vöfflum sem er í miklu uppáhaldi hjá fjölskyldunni. Vöfflurnar eru stökkar og bragðgóðar og einfaldar í gerð og góða með sultu og rjóma, nú eða jafnvel vanilluís.

Vöfflur eru ávallt jafn vinsælar

Heimsins bestu vöfflur
2 egg
1 dl sykur
2 dl súrmjólk
1 1/2 dl vatn
350 g hveiti
1 tsk lyftiduft
1/2 tsk natron
1 tsk kardimommudropar
125 g bráðið smjör

  1. Hrærið egg og sykur þar til blandan er orðin létt og ljós.
  2. Bætið súrmjólk og vatni saman við og því næst þurrefnum. Hrærið þar til blandan er laus við kekki. Látið standa í 15 mínútur.
  3. Hrærið smjöri að lokum saman við og bakið gómsætar vöfflur.

 

 

Leave a Reply

Your email address will not be published.

This site uses Akismet to reduce spam. Learn how your comment data is processed.