Spicy núðlur á mettímaPrenta

Þessi réttur er algjör snilld og hentar sérstaklega vel fyrir fólk sem vill láta matinn rífa aðeins í bragðlaukana. Hann er einfaldur í gerð og því fullkominn í kvöldmatinn í miðri viku. Auðvitað má smakka sósuna til og hafa hann mildan, en þá mæli ég með því að bæta aðeins um 1 tsk af chilímaukinu í sósuna. Ég notaði spaghetti af því að það var það sem var til hér heima en hinsvegar er sjálfsagt að nota tagliatelle eða núðlur að eigin vali.

IMG_7738

 

Spicy núðlur á mettíma
400 g spaghetti
2 msk olífuolía
2 egg, lítillega þeytt
½ tsk rauðar piparflögur (red pepper flakes)
1 súkkíní, skorið til helminga og síðan sneiðar
8-10 sveppir, skornir í sneiðar
3 hvítlauksrif, pressuð
2 msk púðursykur
75 ml sojasósa, t.d. Soy sauce frá Blue dragon
1-1 ½ msk chilímauk, t.d. Minched hot chilí frá Blue dragon
4-5 cm biti engifer, rifið niður
1 búnt kóríander, saxað (má sleppa)
4 vorlaukar, saxaðir
1 dl salthnetur, saxaðar

  1. Sjóðið pastað skv. leiðbeiningum.
  2. Blandið púðusykri, soyasósu, chilimauki og engifer saman í skál. Blandið vel saman og setjið til hliðar.
  3. Setjið 1 msk af olíu á pönnu og hitið. Bætið eggjum og rauðum piparflögum á pönnuna og steikið. Takið síðan af pönnunni og geymið.
  4. Setjið aftur 1 msk af olíu á pönnuna og látið súkkíni, sveppi og hvítlauk á pönnuna og steikið við meðalhita í um 5-6 mínútur.
  5. Lækkið hitann og bætið pasta og eggjum út á pönnuna með grænmetinu. Hellið sósunni saman við og blandið öllu vel saman. Takið af hitanum og stráið kóríander, salthnetum og vorlauk út á.

Skildu eftir svar

Netfang þitt verður ekki birt. Nauðsynlegir reitir eru merktir *