Grillaður kjúklingur með heimagerðri bbq sósu

Home / Fljótlegt / Grillaður kjúklingur með heimagerðri bbq sósu

Sunnudagskjúklingurinn var að þessu sinni marineraður með þessari ómótsstæðilegu heimagerðu barbeque sósu. Bbq sósuna lét ég að þessu sinni á heilan kjúkling en auðvitað er tilvalið að hluta hann í sundur og einfalda þar með grillunina. Það er lítið mál að gera sósuna fram í tímann og geyma í lokuðu íláti en hana tekur einungis um 5 mínútur að gera. Þetta er uppskrift sem ég sé fram á að verði mikið notuð í sumar og þið bara verðið að prufa!

2013-02-13 15.52.58

2013-02-13 13.46.34

Ómótsstæðileg bbq sósa
2 x 170 g dósir af tómat paste
1 1/4 bolli agave sýróp
1/2 bolli eplaedik
3 msk dijon sinnep
2 msk ólífuolía
2 msk soyasósa
2 tsk laukduft
2 tsk hvítlauksduft
1 tsk svartur pipar
1 tsk sjávarsalt

Aðferð

  1. Hrærið öllum hráefnunum vel saman og látið í lokað ílát. 
  2. Marinerið kjúklinginn í smá stund áður en hann er grillaður jafnvel yfir nótt.
  3. Þerrið marineringuna aðeins af kjúklinginum áður en hann fer á grillið þar sem hún getur valdið því að kjúklingurinn brenni. Penslið svo kjúklinginn með bbq sósunni undir lok grilltímans.

Leave a Reply

Your email address will not be published.

This site uses Akismet to reduce spam. Learn how your comment data is processed.