Bökuð kartafla með mexíkóskri kjúklinga og avacadofyllingu

Home / Kjúklingur / Bökuð kartafla með mexíkóskri kjúklinga og avacadofyllingu

Þessi réttur er fyrir alla sem elska mexíkóska rétti en eru fastir í sömu uppskriftinni. Þessi réttur er dásamlegur og ofureinfaldur í gerð. Hér eru við að tala um bakaða kartöflu með mexíkóskri kjúklingafyllingu, bræddum mozzarella og avacado. Frábær réttur á virkum dögum og þess vegna hægt að gera kartöfluna kvöldinu áður til að spara sér tíma og hita síðan upp með fyllingunni. Snilldin ein!

 

Ofnbökuð kartafla með mexíkóskri fyllingu

Styrkt færsla
Fyrir 4-6
8 bökunarkartöflur, meðalstórar
500 g kjúklingalundir, t.d. frá Rose Poultry
1/2 poki af mexíkósku kryddi (t.d. taco eða fajitas krydd)
1/2 – 1 dós (170g) Hunts tomat pureé
3 vorlaukar, skorinn þunnt
1 askja kirsuberjatómatar, skornir í báta
mozzarella, rifinn
1 avacado
salt og pipar

  1. Skerið djúpan kross í kartöflurnar. Stáið salti í sárið og bakið við 220°c heitan ofn í um 60 mínútur eða þar til þær eru orðnar mjúkar.
  2. Setjið olíu á pönnu og heitið vel. Skerið kjúklinginn í þunna strimla og steikið hann á pönnunni þar til hann hefur eldast í gegn. Bætið tómat púrrunni, kryddinu og salti saman við og blandið vel saman.
  3. Þegar kartöflurnar eru fulleldaðar takið úr ofninum án þess þó að slökkva á honum. Kreystið þær til að opna þær betur og látið fyllinguna inní. Stráið osti yfir og bakið í 5-10 mínútur eða þar til osturinn er orðinn gylltur.
  4. Skerið avacado í teninga og stráið yfir. Berið fram með t.d. sýrðum rjóma, salsasósu, kóríander og vorlauk.

 

Leave a Reply

Your email address will not be published.

This site uses Akismet to reduce spam. Learn how your comment data is processed.