Þið þurfið ekki að leita lengi til að finna uppskrift að pastarétti sem inniheldur hráefnið vodka. Matgæðingar keppast um að lofa pastasósuna og hún hefur birst í ófáum matreiðslubókum. Það er ekki að undra því uppskriftin er dásamleg og ótrúlegt hvað góð pastasósa getur gert mikið fyrir einfalt spaghetti. Á stuttum tíma er komin þessi dásamlega máltíð. Þið getið verið óhrædd látið vodka í réttinn enda sýður áfengið úr og eftir situr frábært bragð (líka fyrir þá sem ekki drekka vodka). Ég mæli með því að þið tvöfaldið sósuna..það er bara betra!
Pasta alla vodka
fyrir 3 til 4
250 g spaghetti (eða pasta að eigin vali)
1 msk ólífuolía
1 laukur, saxaður
1 tsk chilí pipar
1-2 hvítlauksrif, pressað
2 grænmetisteningar
120 ml vodka
1/2 tsk salt
1 dós niðurskornir tómatar (safinn með)
60 ml bolli rjómi
3 msk ferskt basil, saxað
Aðferð
- Sjóðið pastað skv. leiðbeiningum.
- Hitið olíu á pönnu við meðalhita, bætið lauknum útí og léttsteikið laukinn í um fjórar mínútur. Bætið chilí, hvítlauk og grænmetisteningum saman við og hrærið í um eina mínútu. Bætið vodkanu varlega út í, lækkið hitann og látið malla í um 3 mínútur eða þar til vökvinn hefur minnkað um helming. Hrærið því næst tómötunum og 1/3 tsk af salti út í. Látið malla á lágum hita í um 15 mínútur.
- Látið sósuna í matvinnsluvél og maukið varlega (ef þið eigið ekki matvinnsluvél að þá sleppið þið þessu stigi). Færið sósuna aftur yfir á pönnuna.
- Bætið rjómanum síðan saman við og hitið lítillega.
- Bætið pastanu út á pönnuna ásamt basil og saltið ef þörf er á því. Berið fram með parmesan.
Leave a Reply