Sunnudagar sem byrja hægt og rólega með góðu kaffi, flettingu fréttablaða og góðum morgunmat eru voðalega indælir. Þetta eggjaostabrauð smellpassar inn í þannig morgun. Það er ofureinfalt í gerð og bráðnar í munni. Ég bar það fram með melónum, parmaskinku og skellti smá hlynsírópi yfir brauðið….og dagurinn byrjar vel.
Hið fullkomna eggjaostabrauð
2 stór egg
4 msk mjólk
50 g rifinn ostur (t.d. cheddar)
salt og pipar
2 þykkar sneiðar fransbrauð
smjör til steikingar
- Setjið egg, mjólk og ost saman í skál og saltið og piprið.
- Dýfið brauðinu því næst ofan í eggjablönduna og steikið á meðalheitri pönnu með bræddu smjöri.
- Steikið það í um 5 mínútur á hvorri hlið eða þar til brauðið er farið að brúnast og osturinn orðinn stökkur. Setjið á disk og berið fram t.d. með hlynsýrópi, melónu og parmaskinku.
Leave a Reply