Sturlaðir Snickersbitar

Mar 01, 202201/03/20221 1364

	3/4 bolli möndlumjöl
	1/4 bolli hnetusmjör (eða möndlusmjör)
	1/2 bolli OTA haframjöl
	2 msk hlynsíróp
	Karamella:
	3/4 bolli mjúkar döðlur, steinlausar
	2 msk hnetusmjör (eða möndlusmjör)
	1/4 tsk vanilludropar
	klípa sjávarsalt
	1/4 bolli vatn
	1/2 bolli möndlur, saxaðar gróflega
	Súkkulaði:
	1/4 bolli kakó
	3 msk kókosolía
	3 msk síróp eða hunang

1.	Látið möndlumjöl og haframjöl í blandara og blandið þar til hefur myndað hveitilíka áferð.
2.	Bætið sírópi og hnetusmjöri saman við og blandið þar til hefur myndast deig.
3.	Látið smjörpappír í brauðform og látið deigið þar í og dreyfið úr. Látið í frysti.
4.	Látið öll hráefnin fyrir karamelluna í blandara og blandið vel. Ef döðlurnar eru ekki mjúkar látið í heitt vatn í smá stund áður en þið setjið í blandarann.
5.	Hellið karamellunni yfir botninn og stráið gróflega söxuðum möndlunum yfir allt. Látið aftur í frysti.
6.	Blandið öllum hráefnunum fyrir súkkulaðið saman í skál og hrærið. Gott að hafa kókosolíuna vel mjúka eða fljótandi.
7.	Hellið yfir allt og látið í frysti í 30 mínútur. Takið úr frysti og skerið í bita.
8.	Gott er að geyma þessa í frysti ef þeir klárast ekki strax.