Kjúklingur á teini með guðdómlegri gyðjusósu

500 g kjúklingalundir frá Rose Poultry

6 msk akasíuhunang

2 msk soyasósa frá Blue dragon

safi úr 1/2 sítrónu

salt og pipar

Blandið öllu saman í skál og smakkið til. Leggið kjúklinginn í marineringuna og geymið í kæli í amk klukkustund. Leggið grillteina í bleyti í 30 mínútur svo þeir brenni ekki. Þræðið því næst kjúklinginn upp á teinana og grillið þar til kjúklingurinn er fulleldaður.

1 búnt af ferskri basilíku

1/2 búnt af steinselju

1 bolli grísk jógúrt

2 tsk agave síróp/hunang

safi af 1 sítrónu

2 hvítlauksrif

1/2 tsk eplaedik

1 tsk Worcestershire sósa

salt og pipar

ólífuolía

Setjið öll hráefnin að ólífuolíunni frátalinni í matvinnsluvél og blandið vel saman. Hellið olíunni ofur varlega saman við á meðan vélin er í gangi þar til allt hefur blandast vel saman. Geymið í kæli í nokkrar klukkustundir.