Kjúklingavefjur með eplabitum, sólþurrkuðum tómötum og mango chutneyPrenta

Ómæ…þessar kjúklingavefjur með eplabitum, mango chutney, avacado og sólþurrkuðum tómötum eru svo dásamlegar. Hollar og svo yndislega einfaldar. Þær eru líka sniðugar í nestisboxið eða lautarferðina.  Mæli svo innilega með þessari og hlakka til að heyra hvernig ykkur líkaði.

 

Nomms

Kjúklingavefjur með mangó chutney
1 kjúklingur, eldaður
1 lítill rauðlaukur, saxaður
1 hvítlauksrif, pressað
2 rauð epli, skorin í teninga
3 avacado, skorið í teninga
1 msk balsamikedik, t.d. Philippo Berio
2 msk olía
1 tsk karrý
salt
4 msk mangó chutney, t.d. frá Pataks
8 sólþurrkaðir tómatar, saxaðir
8 tortillur

  1. Blandið lauk, hvítlauk, eplum og avacado saman í skál.
  2. Setjið edik, olíu, karrý, salt og mangó chutney saman við og bætið sólþurrkuðum tómötum útí.
  3. Skerið kjúklinginn í bita og blandið saman við salatið.
  4. Hitið tortillurnar lítillega og látið fyllinguna á tortillurnar og rúllið upp.

 

Skildu eftir svar

Netfang þitt verður ekki birt. Nauðsynlegir reitir eru merktir *