| 4 Krispy Kreme kleinuhringir, Original glazed | |
| 1 msk olía | |
| 800 g nautakjöt | |
| salt og pipar | |
| 2 msk smjör | |
| 2 laukar, þunnt sneiddir | |
| 2 jalapeno, skornir þunnt | |
| 2 hvítlauksrif, þunnt skorin | |
| 1 msk Worcestershire sósa | |
| 2 msk sykur | |
| 60 ml rjómi | |
| 2 tsk eplaedik | |
| ostur | |
| klettasalat |
| 1. | Þerrið kjötið og saltið og piprið. Hitið olíu á pönnu og brúnið kjötið við háan hita í um 5-7 mínútur á hvorri hlið eftir þykkt. Setjið á skurðarbretti og haldið hita með álpappír. |
| 2. | Lækkið hitann og brærið smjörið. Bætið lauk, jalapeno, hvítlauk, worcestersire sósu og sykri á pönnuna og hrærið vel í blöndunni. Saltið og piprið. |
| 3. | Látið malla í 15 mínútur eða þar til grænmetið er farið að mýkjast og gyllt á lit. Bætið rjóma saman við og jafnvel smá safa af nautakjötinu. Hitið lítillega og bætið við eplaediki. Smakkið til með salti og pipar. |
| 4. | Skerið kleinuhringina í tvennt. Setjið smá klettasalat á hvorn kleinuhring. Skerið kjötið niður í þunnar sneiðar og skiptið niður á kleinuhringina. Leggið ostasneiðar yfir kjötið – ég lét hana stuttlega á pönnu áður og hitaði lítillega. Hellið sósunni yfir kjötið og leggið hinn helminginn af kleinuhringinum yfir. Berið fram. |
Kleinuhringir eru ekki bara góðir sem snarl heldur má nota þá t.d. í bakstur eða í stað brauðs. Hér notum við þá í geggjaða steikarsamloku með nautakjöti og ómótstæðilegri jalapenosósu og útkoman er himnesk.
Með þessum rétti mælum við með ísköldum Peroni.
This site uses Akismet to reduce spam. Learn how your comment data is processed.
Leave a Reply