| 3 bollar grófir hafrar frá Rapunzel | |
| 1/3 bolli sykur að eigin vali, hlynsíróp, hrásykur eða erythritol | |
| 1 tsk kanill | |
| 1 tsk lyftiduft | |
| salt á hnífsoddi | |
| 1/4 bolli saxaðar möndlur með hýði, ég notaði frá Rapunzel | |
| 2 stór lífræn egg | |
| 2 msk bragðlaus kókosolía brædd | |
| 1 og 1/2 bolli mjólk eftir smekk, ég notaði Oatly ikaffe | |
| 1 tsk vanilludropar | |
| 1 og 1/2 bolli bláber, fersk eða frosin | |
| Gróft kókosmjöl eftir smekk |
| 1. | Hitið ofninn í 170°C blástur |
| 2. | Saxið möndlurnar. Blandið öllum þurrefnum saman í skál og hrærið í með sleif. |
| 3. | Setjið egg, mjólk, kókosolíu og vanilludropa saman við og hrærið þar til deigið verður nokkuð samfellt. Setjið bláber saman við og hrærið varlega saman með sleikju. |
| 4. | Smyrjið eldfast mót í minni kantinum, stráið kókosmjöli yfir og setjið deigið út í. Bakið í 35 mín. |
| 5. | Ég mæli líka með því að setja smá hlynsíróp yfir og njóta með grískri jógúrt eða þeyttum hafrarjóma. |
Þessi kaka er algjört æði, hún er samt meira morgunverður en kaka en ég meina, hversu geggjað er að getað bara borðað köku í morgunmat?
Það er auðveldlega hægt að skipta út hráefnum og aðlaga hana að eigin smekk. Minnka eða auka sykurmagn, setja aðrar hnetur í staðinn fyrir möndlurnar o.s.frv. Ég mæli líka með að baka hana á sunnudegi og græja í box fyrir vikuna, hún geymist vel í kæli en einnig er hægt að frysta hana. Skella henni þá aðeins í örbylgjuna og njóta!
This site uses Akismet to reduce spam. Learn how your comment data is processed.
Leave a Reply