Stökkur kjúklinga snitzel með sinnepskurli

Sep 02, 202102/09/20211 3822

	4 kjúklingabringur, t.d. frá Rose Poultry
	sjávarsalt og svartur pipar
	3 dl hveiti
	2 stór egg
	1 msk Heinz Yellow mustard
	3 dl brauðrasp (mæli með Panko)
	2 msk olía
	2 msk smjör
	fersk steinselja
	sítrónusneiðar

1.	Bankið kjúklinginn niður í þunnar sneiðar og kryddið með salti og pipar.
2.	Setjið hveitið í skál. Þeytið egg og sinnep saman í skál. Látið brauðrasp á disk.
3.	Vinnið með eina kjúklingasneið í einu. Veltið upp úr hveiti og hristið lítillega. Dýfið í eggjahræruna og veltið svo upp úr brauðmylsnunni.
4.	Látið kjúklinignn á ofnplötu með smjörpappír og endurtakið með hinn kjúklinginn.
5.	Hitið 1 msk af olíu og 1 msk af smjöri á stórri pönnu yfir miðlungs hita. Steikið tvær kjúklingabringur í einu á hvorri hlið, tekur um 10 mínútur. Saltið. Leggið á eldhúsrúllu.
6.	Endurtakið með því að setja smjör og olíu á pönnuna og steikja hinar tvær kjúklingabrinurnar þar til fulleldaðar.
7.	Berið kjúklinginn fram með steinselju, sítrónu og jafnvel með kartöflumús.