Chili con carnevar gert að opinberum rétti Texas-ríkis í Bandaríkjunum með sérstakri samþykkt fylkisþingsins 1977. Nafnið þýðir ósköp einfaldlega „chili með kjöti“. Hér er einföld og nokkuð hefðbundin útgáfa, yljandi á köldum vetrarkvöldum – eða bara hvenær sem er! Þetta er einn af þessum gömlu sígildu réttum þar sem ægilegt fjaðrafok getur verið milli annars vel meinandi fólks um hvað eigi með réttu heima í honum. Nýrnabaunir eru eitt af því umdeilda og tómatar líka – uppruninn er sagður vera blokkir af þurrkuðu nautakjöti, chilipipurum og salti sem landnemar í vesturríkjum Bandaríkjanna á 19. öld höfðu með sér í vagnalestunum og suðu í vatni svo úr varð kássa. Þennan rétt má gera eins sterkan og smekkur fólks leyfir – um eina fræga útgáfu af Chili con carne var sagt að hún opnaði átján ennisholur óþekktar læknavísindunum!
Þessi færsla er unnin í samstarfi við Innnes.
Leave a Reply