Flatbrauð undir áhrifum miðjarðarhafsins

Jan 14, 202214/01/20221 1234

	Deig:
	180 ml volgt vatn
	1 tsk þurrger
	280 g hveiti
	1 1/2 tsk ólífuolía
	1 tsk sykur
	1/2 tsk salt
	Álegg:
	250 g mozzarellaostur, sneiddur
	30 g sólþurrkaðir tómatar, saxaðir gróflega
	40 g svartar ólífur
	180 g salatostur í kryddlegi frá Örnu
	1 tsk basilíka
	1 tsk oregano
	1 msk fersk steinselja, söxuð
	1 egg
	1 msk vatn

1.	Blandið fingurvolgu vatni og geri saman í skál. Hrærið varlega í 5 sek og látið standa þar til gerblandan er farin að freyða (ca. 5 mín).
2.	Blandið 250 g af hveiti, salti og sykri saman í skál.
3.	Látið ólífuolíu saman við gerblönduna og hrærið í nokkar mínútur. Hellið saman við hveitiblönduna og blandið gróflega saman við sleif.
4.	Látið deigið á hveitistráð borð og hnoðið vel saman í um 5 mínútur. Setjið þá í skál og rakan klút yfir. Látið hefast í um 30 mínútur.
5.	Hnoðið deigið lítillega og skiptið í tvo hluta og fletjið út.
6.	Léttþeytið eggið og penslið endana á deiginu.
7.	Dreyfið mozzarella yfir botnana.
8.	Látið því næst sólþurrkuðu tómata, svartar ólífur og að lokum fetaost yfir allt.
9.	Kryddið með basilíku og oregano.
10.	Bakið í 210°c heitum ofni í 10-15 mínútur.
11.	Stráið steinselju yfir og njótið vel.