Gráðostaborgari með hvítlaukssósu og “pikkluðum” rauðlauk

Apr 05, 201913/05/20193 1035

by Avistain Kjöt, Kvöldmatur, Partý

Innihaldslýsing

Pikklaður rauðlaukur

2 stk rauðlaukur

240 ml hvítvínsedik

1 msk sykur

1 tsk salt

5 svört Piparkorn

2 stk kramin hvítlauksrif

Rauðlaukurinn er skorinn í sneiðar, settur í sigti og sjóðandi vatni helt yfir. Í glerkrukku er öllu blandað saman, hrist vel og látið standa í ísskáp í allavega 30 mínútur en geymist í nokkra daga.

Hvítlaukssósa

1 bolli majones

1 tsk dijon sinnep

2 tsk sítrónusafi

3 stk hvítlauksrif, pressað

1 tsk hvítlauksduft

salt

Hrært saman með gaffli

Uppskrift fyrir 8 x 150 g hamborgara

Leiðbeiningar

1.	Hakkið kjötið og fituna. Blandið varlega saman hakkinu, gráðosti, sinnepsdufti og svörtum pipar. Passið að ofhræra ekki, þá breytist hakkið í kjötfars.
2.	Mótið í fallega hamborgara. Áður en hamborgararnir fara á grillið saltið og piprið þá mjög vel. Þegar þið grillið hamborgarana hafiði við hönd bráðið smjör til að pensla þá!
3.	Borið fram í nýbökuðu brioche brauði, brakandi fersku klettasalati, guðdómlegri hvítlaukssósu, crispy pikkluðum rauðlauk og stökku grilluðu beikoni.

Þegar hakkið er gert frá grunni þarf að hafa í huga hvaða part af nautinu maður notar, hvernig maður hakkar kjötið og að nægilegt magn af fitu sé í hakkinu svo hamborgararnir haldist vel saman. Þetta er eitthvað sem er hægt að biðja um að hakka fyrir sig í flestum kjötbúðum landsins.

Við notuðum chuck og innra læris vöðva til helminga, hægt er að nota hvaða vöðva sem er en gott er að nota chuckið til að gefa hakkinu meiri fitu. Chuckið er ekki eins hreint kjöt þannig það er hakkað tvisvar sinnum en nægir að hakka vöðvann einu sinni. Á móti kjötinu er síðan gott að blanda hreinni fitu til að hakkið verði í kringum 20% fita.

Uppskrift af nýbökuðu brioche má finna hér