Hafrabrauð með besta skinkusalatinu

2 1/2 tsk þurrger

3 dl vatn, fingurvolgt

1 msk hunang

1 msk ólífuolía

1 1/2 tsk salt

50 g haframjöl

75 g spelt

350 g hveiti

Setjið þurrgerið saman við fingurvolgt vatn og látið standa í 10 mínútur. Blandið öllum hráefnunum saman í skál, ásamt gerblöndunni og hnoðið vel. Látið hefast í 1 klukkustund. Hnoðið aftur og setjið í form með smjörpappír. Skerið línur í deigið með beittum hníf og stráið hveiti yfir brauðið. Leyfið að hefast í 30 mínútur til viðbótar. Setjið í 220°c heitan ofn í 5 mínútur og lækkið þá hitann í 180°c. Bakið í 30 mínútur.

450 g majones

4-5 harðsoðin egg

1/2 dós aspas

200 g skinka

1 msk aromat frá Knorr

Setjið majones í skál. Skerið eggin og skinku niður í litla bita. Hellið smá af safanum af aspasinum saman við majonesið. Skerið aspasinn niður í litla bita og bætið saman við. Blandið öllu vel saman og kælið.