| 4 kjúklingabringur, t.d. frá Rose Poultry | |
| 1 msk steinselja | |
| 1 msk þurrkað oregano | |
| 1 tsk hvítlauksduft | |
| 1 tsk paprikukrydd | |
| 1/4 tsk chilíkrydd t.d. chilí explosion | |
| salt og pipar | |
| 1 sítróna, safi og fínrifinn börkur | |
| ólífuolía t.d. extra virgin frá Filippo Berio | |
| 1 poki gulrætur | |
| 1-2 sætar kartöflur eða 1/2 ílangt grasker | |
| 1 rauðlaukur | |
| 1 brokkolí | |
| 2 hvítlauksrif pressuð | |
| parmesan rifinn |
| 1. | Skerið kjúklinginn í bita og setjið í skál. |
| 2. | Blandið steinselju, oregano, hvítlauksdufti, papriku, chilíkryddi, salti og pipar saman í skál. Setjið helminginn af kryddblöndunni saman við kjúklinginn ásamt 2 msk af ólífuolíu og safa úr 1 sítrónu ásamt fínrifnum sítrónuberki. Blandið öllu vel saman og setjið kæli á meðan grænmetið er undirbúið. |
| 3. | Setjið smjörpappír á ofnplötu og skerið grænmetið gróflega niður og blandið öllu saman. Setjið 2-3 msk af ólífuolíu saman við grænmetið og afganginn af kryddinu. Látið í 200°c heitan ofn í um 20 mínútur. |
| 4. | Takið kjúklinginn úr ísskápnum og hellið vökvanum frá. Setjið saman við grænmetið og aftur inn í ofn í aðra 20 mínútur eða þar til kjúklingurinn er fulleldaður og grænmetið orðið mjúkt. Setjið á grill í nokkrar mínútur í lokin og brúnið örlítið. |
| 5. | Stráið rifnum parmesan yfir allt og berið fram.Þessi færsla er unnin í samstarfi við Innnes |
Þegar haustlægðirnar mæta á svæðið og dimma tekur á maður það til að vera með aðeins minni orku. Þá vill ákvörðunin um kvöldmatinn flækjast fyrir manni (og já líka mér). Þegar það gerist þá er þetta svarið – þetta er rétturinn!
Í stað þess að panta skyndibita er það sem er til í ísskápnum skorið niður og blandað saman. Úr verður meinholl og staðgóð máltíð sem er frábær í nesti út vikuna. Þetta er að fara að verða nýja uppáhaldið ykkar. Lofa!
This site uses Akismet to reduce spam. Learn how your comment data is processed.
Leave a Reply