| 1 msk olía | |
| 2 skarlottlaukar, þunnt skornir | |
| 1 msk fínrifið engifer | |
| 2 msk grænt karrýmauk | |
| 950 ml kjúklingasoð (eða vatn og 1-2 msk kjúklingakraftur) | |
| 1 dós kókosmjólk | |
| 2 msk fiskisósa (fish sauce) | |
| 4 tsk púðursykur | |
| safi úr 1 límónu (lime) | |
| 1/2 tsk turmeric | |
| Annað: | |
| 100 g þunnar hrísgrjónanúðlur | |
| 1/2 eldaður kjúklingur, rifinn niður með gaffli | |
| 1 búnt kóríander, saxað | |
| 4 vorlaukar, þunnt skornir | |
| chilísósa | |
| límóna skorin í báta |
Þessi súpa er í miklu uppáhaldi og er hin fullkomna mánudagssúpa, því að hún er svo frábær kostur þegar maður kemur heim eftir langan vinnudag, nennir ekki að elda en langar samt í eitthvað gott. Súpan er fáránlega auðveld en bragðast eins og súpa á bestu veitingastöðum. Ég mæli með því að gera sér ferð í asískar verslanir og kaupa gott karrýmauk. Njótið vel!
| 1. | Hitið olíu í potti við miðlungshita og steikið skarlottlauk og engifer í 2-3 mínútur. |
| 2. | Bætið grænu karrý saman við og steikið í 1 mínútur. |
| 3. | Látið kjúklingasoð, kókosmjólk, fiskisósu, púðursykur, límónusafa og turmeric saman við og látið malla í 5 mínútur. |
| 4. | Sjóðið núðlur samkvæmt leiðbeiningum á pakkningu. |
| 5. | Smakkið súpuna til og bætið við að eigin smekk. |
| 6. | Látið núðlur og kjúkling í skálar og toppið með kóríander, vorlauk og toppið jafnvel með smá chilísósu (ég notaði rautt chilí). |
This site uses Akismet to reduce spam. Learn how your comment data is processed.
Leave a Reply