Silkimjúk hafrakaka með kókos- og pekanhnetukaramellu

Feb 08, 202208/02/20225 2916

	40 g OTA haframjöl
	160 ml soðið vatn
	85 g hveiti
	1/2 tsk múskat
	1/2 tsk matarsódi
	1/2 tsk lyftiduft
	1/4 tsk salt
	60 g mjúkt smjör
	100 g sykur (ég notaði hrásykur)
	1 stórt egg
	80 ml hlynsíróp
	1/2 tsk vanilludropar
	Kókos- og pekanhnetukaramella:
	80 ml hlynsíróp
	60 g mjúkt smjör
	1 dl kókosmjöl
	1 dl pekanhnetur, ristaðar og saxaðar
	1/2 tsk vanilludropar
	2 msk sýrður rjómi

1.	Setjið OTA haframjölið í skál og hellið heitu vatni yfir. Hrærið lítillega saman og látið standa.
2.	Blandið þurrefnum saman í skál.
3.	Hrærið smjör og sykur vel saman eða þar til blandan er orðin létt og ljós.
4.	Bætið eggi saman við og hrærið vel.
5.	Bætið hlynsírópi og vanillu saman við.
6.	Látið helming af þurrefnum saman við og hrærið varlega.
7.	Bætið haframjölsblöndunni saman við og síðan afganginn af þurrefnum. Hrærið saman í 30 sek.
8.	Smyrjið form og látið deigið þar í. Bakið í 180°c heitum ofni í um 30 mínútur.
9.	Karamella: Látið smjör og hlynsíróp í pott og hitið rólega. Leyfið að búbbla í um 2 mínútur. Takið af hitanum og setjið sýrðan rjóma og vanilludropa saman við.
10.	Bætið pekanhnetum og kókosmjöli saman við.
11.	Takið kökuna úr ofni og hellið karamellunni yfir.