Stökkt lambasalat að hætti Ottolenghi með eggaldin og engifer

Þessi færsla er unnin í samstarfi við Innnes

	700 g lambakjöt
	2 tsk hveiti
	1 1/2 msk cumin (ath ekki kúmen)
	90 ml dökk sojasósa, t.d. frá Blue dragon
	60 ml hrísgrjónaedik, t.d. Rice vinegar frá Blue dragon
	1 msk sykur
	2 eggaldin, skorin í bita
	salt og pipar
	60 ml grænmetisolía
	2 cm ferskt engifer, skorið í þunna strimla
	3 rauð chillí, fræhreinsuð og smátt söxuð
	1 búnt vorlaukar, skornir smátt
	1/2 búnt ferskt kóríander, saxað

1.	Skerið lambakjötið í bita og þerrið. Setjið í skál og bætið hveiti, 1 msk af cumin, helming af sojasósunni, helming af hrísgrjónaedikinu og sykri. Blandið vel saman og marinerið í amk 30 mínútur.
2.	Skerið eggaldin niður í bita og setjið í skál ásamt afganginum af cuminkryddinu og salti.
3.	Hellið helming af olíu á pönnu og hitið vel. Steikið eggaldin í um 5 mínútur við háan hita og hrærið af og til í blöndunni eða þar til eggaldinið er farið að brúnast.
4.	Bætið engifer og 1 msk af sojasósu saman við og steikið í nokkrar mínútur til viðbótar.
5.	Takið af pönnunni og þerrið. Geymið.
6.	Hitið pönnuna og bætið þá afganginum af olíunni þar á.
7.	Steikið kjötið í þremur hlutum á pönnunni. Í um 2 mínútur á hvorri hlið. Endurtakið með afganginn af kjötinu.
8.	Þerrið kjötið og hellið um helming af olíunni af pönnunni.
9.	Setjið allt kjötið aftur á heita pönnuna ásamt eggaldin, sojasósu, ediki, chilí, vorlauk og kóríander og veltið saman í nokkrar mínútur. Setjið á disk og berið fram.