Sweet chili kjúklingasúpa

700 g kjúklingalundir, t.d. frá Rose Poultry

2 msk ólífuolía

2 msk karrý

1 tsk salt

Setjið kjúkling, karrý og salt saman í poka með rennilás eða í skál og blandið vel saman. Látið marinerast í smá stund. Látið olíu á pönnu og steikið kjúklinginn í 4-5 mínútur á hvorri hlið eða þar til kjúklingurinn er fulleldaður. Skerið í niður í litla bita.

2 msk smjör

1 rauð chilí

3-4 hvítlauksrif

1 laukur

1/2 púrrulaukur

1 paprika

3 msk karrý

150 g tómatpúrra

500 g tómat passata (maukaðir tómatar)

1 l soðið vatn

1 msk kjúklingakraftur frá Oscar (eða 2 teningar)

3-4 msk sýrður rjómi eða hálft box

3 dl rjómi

4 msk sweet chilí sósa frá Blue dragon

2 msk sítrónusafi

Skerið grænmetið smátt niður. Setjið smjör í sama pott og kjúklingurinn var steikur í (þvoið ekki á milli). Skrapið út kjúklingakjötið í botninum það gefur súpunni gott bragð. Steikið grænmetið við miðlungs hita í 2-3 mínútur eða þar til það er farið að mýkjast. Bætið tómatpúrru og maukuðu tómötunum saman við. Blandið vel saman og steikið í 1-2 mínútur. Bætið þá rjóma og sýrðum rjóma út í pottinn og síðan heitu vatni með kjúklingakrafti. Látið malla (en ekki sjóða) í 5 mínútur. Bætið kjúklingabitunum saman við og látið malla í aðrar 5 mínútur. Setjið að lokum sweet chilí sósu, sítrónusafa, salt og pipar saman við. Smakkið til að eigin smekk. Berið fram með meðlæti að eigin vali.

nachos flögur frá Mission

kóríander

sýrður rjómi

chilí

rifinn ostur