| 1/2 bolli sykur | |
| 1/2 bolli sírópið í grænu dollunum | |
| 1 bolli gróft hnetusmjör (ekki hollu týpuna) | |
| 1/3 bolli salthnetur | |
| 3 bollar kornflex | |
| 150g mjólkursúkkulaði |
| 1. | Setjið sykur, síróp og hnetusmjör saman í pott og bræðið saman á vægum hita þar til sykurinn leysist upp |
| 2. | Saxið salthnetur og setjið út í ásamt kornflexi og blandið vel saman með sleikju, ég brýt aðeins kornflexið í leiðinni |
| 3. | Þjappið vel niður í form sem er ca. 23 x 23cm, allavega ekki mikið stærra. Setjið í frysti í 20 mín. |
| 4. | Bræðið súkkulaði yfir vatnsbaði eða í örbylgjuofni. Passið bara að súkkulaðið verði ekki of heitt. Betra að hætta að hita það þegar það er enn þónokkuð óbráðið og leyfa því að bráðna rólega saman. |
| 5. | Takið formið úr frysti og smyrjið súkkulaðinu jafnt yfir. Kælið þar til súkkulaðið hefur stífnað. Geymið í lokuðu boxi í kæli eða frysti. |
Þessir sælgætisbitar slá allt út. Ég gerði þá fyrst fyrir mörgum árum síðan og í hvert sinn sem ég geri þá klárast þeir upp til agna. Þá skiptir ekki máli hvort það sé fyrir afmæli, saumaklúbb, föstudagskaffi í vinnunni eða bara fyrir okkur heima að njóta.
Ótrúlega einfaldir í gerð og tilvalið að gera með krökkunum í innikósíi ❤
Myndir og uppskrift eftir Völlu
This site uses Akismet to reduce spam. Learn how your comment data is processed.
Leave a Reply