Vinsæla múslíbrauðið

Jan 06, 202006/01/20202 878

1.	Hellið volgu vatninu í skál og bætið þurrgeri, salti og sykri saman við. Látið standa í 10 mínútur eða þar til gerið er farið að freyða. Bætið þá hveitinu saman við og hnoðið.
2.	Á þessu stigi er deigið nokkuð blautt. Smyrjið skál með olíu og setjið deigið þar í. Leggið plastfilmu eða viskustykki yfir deigið og látið það hefast í rúma klukkustund eða þar til það hefur tvöfaldast að stærð.
3.	Hnoðið deigið á hveitistráðu borði og bætið fræjum, möndlum og þurrkuðum ávöxtum saman við. Hnoðið þar til allt hefur blandast vel saman.
4.	Leggið smjörpappír á bökunarplötu og mótið brauðið þar á. Látið hefast í klukkustund. Bakið í 210°C heitum ofni í um 30 mínútur eða þar til það hefur fengið gylltan lit.

	360 ml vatn, ylvolgt
	1 pakki (12 g) þurrger
	½ tsk salt
	1 tsk sykur
	360 g hveiti
	30 g graskersfræ
	30 g möndlur, saxaðar
	30 g þurrkaðir ávextir, t.d. rúsínur eða apríkósur