Rjómalagað pasta með hvítlauk, spínati og tómötum

Jul 22, 202124/07/20216 2562

Miðlungs

	300 g De Cecco pasta, t.d. penne eða fusilli
	5 sneiðar beikon
	salt og pipar
	2 tsk ítalskt krydd
	1 tsk paprikukrydd
	3 hvítlauksrif, pressuð
	handfylli ferskt spínat
	250 g kirsuberjatómatar
	350 ml rjómi
	100 g parmesan, rifinn
	1/2 tsk chilíflögur
	2 kjúklingabringur, t.d. frá Rose poultry

1.	Sjóðið pasta samkvæmt leiðbeiningum á pakkningu.
2.	Steikið beikon á pönnu þar til það er orðið stökkt. Takið af pönnunni og þerrið á eldhúspappír.
3.	Skerið kjúkling í þunna strimla og steikið upp úr beikonfeitinni. Kryddið með salti, pipar, ítölsku kryddi og paprikukryddi. Steikið þar til kjúklingurinn er eldaður í gegn.
4.	Bætið hvítlauk út á pönnuna og mýkjið. Skerið tómatana í fernt og bætið út á pönna ásamt spínati. Þegar spínatið er orðið mjúkt bætið þá rjóma, parmesan og chilíflögum saman við og látið malla í nokkrar mínútur.
5.	Setjið pasta í skál og hellið öllum hráefnum af pönnunni yfir pastað. Bætið beikoni saman við og stráið parmesanosti yfir allt.