Einfalt Rigatoni með grænu pestói, ólífum og sólþurrkuðum tómötum

Mar 17, 202217/03/20222 1159

Einfaldur og fljótlegur vegan pastaréttur fyrir alla fjölskylduna

Einfalt Rigatoni með grænu pestói, ólífum og sólþurrkuðum tómötum

by Avistain 30 mínútna réttir, Fljótlegt, Grænmetisréttir, Hollt, Pasta, uppskrift, Valla, Vegan

Undirbúningur

5 mín

Eldun

15 mín

Tilbúið

20 mín

Erfiðleiki

Einfalt

Innihaldslýsing

Rigatoni pasta finnst mér alltaf svo skemmtilegt að bera fram þar sem það er ekki alveg í laginu eins og það sem við erum vön að kaupa. Það dregur vel í sig góðar sósur og hér er ég með græna vegan pestóið frá Sacla sem er alveg framúrskarandi gott í pastarétti. Að viðbættum grænum og...

Leiðbeiningar

1.	Byrjið á því að setja vatn í stóran pott og saltið vel. Hitið að suðu og bætið þá Rigatoni pastanu út í vatnið. Sjóðið í 13 mín. Í lokin takið þið frá 1 dl af pastavatni og setjið til hliðar.
2.	Skerið ólífurnar í sneiðar og sólþurrkuðu tómatana í bita
3.	Hellið vatninu af pastanu og setjið í stóra skál. Setjið pestóið yfir pastað og veltið pastanu saman við.
4.	Bætið sólþurrkuðum tómötum og ólífum saman við, setjið kokkteiltómata yfir ásamt ferskri basiliku.

Rigatoni pasta finnst mér alltaf svo skemmtilegt að bera fram þar sem það er ekki alveg í laginu eins og það sem við erum vön að kaupa. Það dregur vel í sig góðar sósur og hér er ég með græna vegan pestóið frá Sacla sem er alveg framúrskarandi gott í pastarétti. Að viðbættum grænum og svörtum ólífum ásamt sólþurrkuðu tómötunum frá Sacla sem gera þennan rétt algjörlega ómótstæðilegan. Fljótlegur vegan pastaréttur sem tekur enga stund að græja, engin afsökun fyrir því að sleppa því að elda!

	300g Rigatoni pasta
	1 krukka Sacla vegan græn pestó
	1 krukka Sacla sólþurrkaðir tómatar
	1 dl svartar ólífur
	1 dl grænar fylltar ólífur
	Kokkteiltómatar eftir smekk
	Fersk basilika
	Salt og pipar