Eplabaka með karamellu og salthnetum

3 dl OTA haframjöl, ég notaði grófari tegundina (grov valsede)

1 dl púðursykur

1/2 dl hveiti

70 g kalt smjör, skorið í litla bita

2 dl salthnetur, gróflega skornar

Hnoðið haframjöl, púðursykur, hveiti og smjör saman. Bætið salthnetum saman við og hnoðið í stutta stund.

1 1/2 dl rjómi

1 1/2 dl púðursykur

80 g smjör

5 græn epli, afhýdd og skorin í sneiðar

1/2 tsk salt

Látið rjóma, púðursykur og smjör á pönnu og hitið. Þegar smjörið hefur bráðnað og karamellan farin að dökkna og búbbla örlítið, bætið eplum og salti saman við. Látið malla áfram í nokkrar mínútur eða þar til eplin eru farin að mýkjast. Setjið eplin í form og mulninginn yfir það. Bakið í 180°c heitum ofni í 25 mínútur. Berið fram með vanilluís og/eða rjóma.