Falafel bollur með melónusalati og tahini jógúrtsósu

200 g kjúklingabaunir (ekki soðnar í dós)

4 hvítlauksrif

1 rauðlaukur

1 msk tahini (sesammauk)

2 tsk cumin, t.d. frá Kryddhúsinu

2 tsk kóríanderkrydd, t.d. frá Kryddhúsinu

safi úr 1/2 sítrónu

2 tsk lyftiduft

handfylli fersk steinselja

salt og pipar

1/2 tsk chilíflögur, má sleppa

Leggið kjúklingabaunir í bleyti í að minnsta kosti 10 klst eða allt að 24 klst. Takið þá úr vatninu og skolið með köldu vatni. Látið í matvinnsluvél ásamt hinum hráefnunum og maukið saman þar til úr verður deig. Ef blandan er of þurr bætið þá 1-2 msk saman við en bara lítið í einu. Mótið í bollur og ef þið viljið er gott að velta þeim upp úr sesamfræjum. Hitið olíu á pönnu og steikið í 2-3 mínútur á báðum hliðum.

400 g vatnsmelóna

200 g kirsuberjatómatar

1 rauðlaukur

1 handfylli mynta, fersk

75 g fetaostur

Skerið melónu, tómata, raulauk og mynta niður og setjið í skál ásamt fetaosti. Geymið í kæli þar til borið fram.

2 msk tahini mauk

6 msk hrein jógúrt

safi úr 1/2 sítrónu

1 hvítlaukur, pressaður

1 msk ólífuolía

salt

Blandið öllum hráefnum saman og smakkið til með salti.