Sinnepsgljáður hamborgarhryggur og rauðkál með eplum

1,5 kg KEA Hamborgarhryggur frá Norðlenska

mjúkt smjör

3/4 dl dijonsinnep

3/4 dl púðursykur

3 msk hunang

3 msk brauðrasp

Smyrjið álpappír með mjúku smjöri. Takið hamborgarhrygginn úr pakkningu, þerrið með viskustykki og vefjið álpappír þá utan um hann. Látið í ofnfast mót og hellið vatni í botninn. Eldið í 1 1/2 klst við 200°c. Hrærið hráefnin fyrir gljáann saman í skál. Takið kjötið úr ofninum þegar kjöthitamælirinn sýnir 57c og penslið gljáanum yfir kjötið. Stráið brauðraspi þá yfir gljáann. Látið aftur inn í ofn og eldið í 30 mínútur til viðbótar. Takið úr ofni þegar kjöthitamælirinn sýnir 65c og látið hvíla í 10 mínútur áður en hann er skorinn.

1 kg rauðkál

2 epli

1 laukur

25 g smjör

3 negulnaglar

5 allrahanda heil

1 1/2 tsk salt

2 tsk sykur

1 msk vínedik

Skerið rauðkálið og rífið eplin gróft eða skerið í þunnar sneiðar. Saxið laukinn og steikið hann á pönnu í smjörinu í 5 mínútur. Setjið rauðkál og epli á pönnuna og blandið því saman. Bætið við kryddi, salti, sykri og vínediki og eldið kálið u.þ.b. 40 mínútur undir loki. Smakkið kálið til.